Gazetarja Sonila Meço mbrëmjen e djeshme transmetoi një intervistë me kryeministrin e Kosovës, Ramush Haradinaj. Avokati Spartak Ngjela komentoi sot duke u shprehur se Sonila Meço bën politikën e Rusisë në Tiranë, teksa shton se ajo nuk kupton as Kushtetutën.
“Një gazetare nga Ora News, një përkrahëse e politikës ruse pyeti mbrëmë kryeministrin e Kosovës, Haradinaj; dhe ky e bëri copë. E talli gazetaren Ramush Haradinaj, dhe ajo mbeti si një misionare sterile që nuk kuptonte me ligësi se çfarë është një kushtetutë”, – shkruante Ngjela ndër të tjera.
Pas këtyre akuzave, ka reaguar ish-ministri i Drejtësisë, Ylli Manjani, duke thënë se ajo është më pak e rrezikshme se ata që marrin vendime për ndarje kufijsh apo ndarje pasurish.
“Sonila Meço është Ruse?!!! Hahahahahahaha… Punë e madhe! Jam me Sonilën! Ajo thjesht pyet të ftuarit për të infomuar publikun. Nuk merr vendime as për ndarje kufinjsh e as për ndarje pasurish..” shkruan Ylli Manjani.
