Portieri Italian, Gianluigi Buffon, renditet mes legjendave të futbollit evropian, me rekordin e vendosur që në 50 ndeshje të Champions League nuk ka pësuar gol
Buffon renditet i treti, pas Iker Casillas dhe Edëin van der Sar, të cilët kanë mbrojtur portën pa pësuar gol përkatësisht në 59 dhe 51 ndeshje.
Mbrëmjen e së martës, ekipi i Buffon, PSG, luajti përballë Manchester United, ku kampionët e Francës, fituan 2-0.
Në “Old Trafford”, Buffon nuk pati ndonjë kërcënim serioz nga sulmuesit e Manchester Unitedit, edhe për shkak të paraqitjes mbresëlënëse të dyshes së mbrojtjes Presnel Kimpembe-Thiago Silva, për të mos përmendur Marquinhos, i cili bëri edhe mesfushorin.
“Falënderoj shokët e mi, të cilët luajtën jashtëzakonisht mirë. Ne mund të shkojmë larg. Nëse e kalojmë këtë raund, mund të përmbyllim një sezon të shkëlqyer në Ligën e Kampionëve”, tha Buffon pas takimit.
