Pas videos virale që qarkulloi në media gjatë ditës së djeshme, efekti i arrestuar i Komisariatit në Malësin e Madhe, duket se ka prapa tij një histori akoma dhe më skandaloze.
Nuk bëhet fjalë vetëm për xhestin e tij, por edhe CV e efektivit, një person i njohur në rradhët socialsite si një ish-komisioner i PS-së. Në një postim në rrjetet sociale, Salianji reagon duke iu përgjigjur ministrit të Brendshëm, Sandër Lleshaj, i cili tha se për videon erotike të policit të Malësisë së Madhe, Berhan Bajrakurtaj nuk ka një denoncues.
Salianji shkruan se ekzistojnë prova dhe pamje se viktimat e denonconin efektivin, por shpërfilleshin në komisariat.
Statusi i Salianjit
Efektivi B.B ishte larguar nga policia e shtetit për tentativa përdhunimi.
Ate e riktheu vetem angazhimi i tij për Rilindjen si komisioner dhe aktivist gjate zgjedhjeve dhe e bëri polic të Republikës duke i dhënë mundesi të abuzonte me tej, tashmë me të miturën 15 vjecare, e te vazhdonte të kërcenonte dhjetra gra të tjera!
Shumë prej tyre e kanë denoncuar ne komisaritat, por policia i ka shperfillur dhe nuk ka marre asnjë here denoncimet e tyre. Pavarësisht se mostra i regjistronte madje edhe me video per ti shantazhuar apo per nevoja denigruese te tij. Sot ekzistojne prova dhe video qe viktimat i denonconin ne polici, këto video i disponon policia e shtetit!
Disa prova dhe video më kane ardhur ne inbox nga punoniës policie dhe janë neveritëse po aq sa mosreagimi i shtetit në raste të tilla. Kam vendosur te mos i publikoj videot sepse vetem i shtojne shemti videos qe tashme eshte publike. Por policia dhe organet ligjzbatuese qe i kane, duhet ti denojne me ashpersine me te madhe ligjore përgjegjësit e mosveprimit po aq sa vetë dhunuesin!
