Përditësim/ Kryeprokuroria e Krimeve të Rënda ka dhënë një deklaratë për mediat lidhur me megaoperacionin mes anti-drogës Italiane dhe asaj Shqiptare.
“Nga ky operacion, në Gjirin e Lalzit është sekuestruar një mjet motoskaf, që do të transportonte lëndët narkotike për në Itali dhe është arrestuar shtetasi Eduard Sallaku. Nga Prokuroria e Leces në Itali, janë nxjerrë 26 urdhra arresti, nga ku 6 shtetas shqiptarë janë kapur në territorin e Shqipërisë. Në Itali janë arrestuar 5 shqiptarë dhe 5 italianë, ndërkohë që edhe 7 shtetas të tjerë janë shpallur në kërkim.
Një tjetër gomone është kapur në grykëderdhjen e lumit të Vjosës. Nga momenti i fillimit të operacionit e deri më sot kjo skuadër mund të konsiderohet një histori suksesi, sidomos sa i përket teknikave të reja të hetimit të kryera për herë të parë nga autoritetet shqiptare,’ është shprehur Donika Prela.
***
Operacioni ndërkombëtarë mes anti-drogës shqiptare dhe italiane, janë mbledhur në këto momente në një konferencë për shtyp.
Përfaqësuese të skuadrave të anti-drogës nga shteti fqinjë kanë përgëzuar përfundimin me sukses të këtij mega-operacioni, duke ritheksuar edhe një herë rëndësinë e eliminimit të cdo qelize kriminale dhe narkotike që operon në Ballkan duke prekur kështu edhe vendet e tjera të Europës.
LAJM I FUNDIT/ Operacioni anti-drogës Shqipëri-Itali, 6 persona në pranga (EMRAT)
