Ish-juristi në Ministrinë e Drejtësisë, i cili ishte shpallur në kërkim për abuzime me tenderat, është arrestuar. Policia ka vënë në pranga Lysien Ali, i cili ndodhej në kërkim prej 5 ditësh. Gjykata e Tiranës kishte vendosur ndaj tij masën e sigurisë “arrest me burg” në mungesë.
Më herët, u arrestuan edhe 4 ish-zyrtarë të Ministrisë së Drejtësisë, por që më pas u lanë të lirë nga gjykata e Tiranës, që zbuti masat e arrestit me burg ndaj tyre. Ndërsa për 8 ish-zyrtarët e tjerë të akuzuar për shpërdorim detyre në lidhje me 5 tendera të Ministrisë së Drejtësisë, u vendos detyrim paraqitje.
Në dy vite, 2016-2017, prokuroria ka zbuluar abuzime dhe shkelje me 5 tendera duke shkaktuar një dëm të llogaritur në miliona euro. /Boldnews.al/
