Komisioni i Edukimit dhe Medias ka vazhduar me debatin për ligjin e arsimit të Lartë. Në mbledhjen e sotme, u zhvillua një seancë dëgjimore me asamblenë e pedagogëve të Universitetit të Tiranës.
“Ai që tregton libra për notën merreni futeni në burg. Pse duhet të njollosem unë? Është çështje mëndësie. Më ka ardhur një gjyshe dhe më ka lënë 200 euro mbi tavolinë. I kam thënë “None nuk bëhet kështu”. Për të bërë libra nuk ka nevojë për Komision të Përgjithshëm. Njësoj si në kohën e qoftëlargut. Ku e njeh ti lëndën time që të vendosësh për mua? Mua më prekin këto gjëra. Ne po diskutojmë për gjëra të paprekshme. Ligjin e bëjmë si të doni por është çështje mëndësie. Janë gjëra shumë të thjeshta për t’u rregulluar nuk ka nevojë për shkencë,” –tha Prifti.
Në fund të fjalës së tij, kryetarja e Komisionit, Albana Vokshi e ka falenderuar pedagogun: Faleminderit për pasionin me të cilin iu folët.
Më herët pedagogët gjatë një takimi me Ministren e Arsimit, Besa Shahinin, kanë parashtruar kërkesat e tyre lidhur me ndryshimet që ata propozojnë të bëhen në ligjin e “Arsimit të Lartë”.
Pas takimit, pedagogët u shprehën se nuk kishin rënë për kërkesat e tyre dhe se ministrja u përpoq t’u mbushte mendjen për të mirat që do të sillte “Pakti për Universitetin”.
