Gjykata e Apelit për Krimet e Rënda ka rrëzuar kërkesën e ish-kryebashkiakut të Peshkopisë Shukri Xhelili për ndryshimin e masës së sigurisë. Avokati i Xhelilit kërkoi “arrest shtëpie” ose “detyrim paraqitje” por kjo gjë nuk është pranuar nga trupi gjykues duke lënë në fuqi masën e shkallës së parë për ‘arrestin me burg”.
Shukri Xhelili u arrestua pas publikimit të video-skandalit ku kërkonte favore seksuale nga një 20-vjeçare në këmbim të vendit të punës. Ai u shkarkua gjithashtu nga qeveria nga detyra e kryebashkiakut.
