Pas denoncimit të familjarëve të 33-cjeçarit Sokol Rama në Tepelenë, [ër zhdukjen e tij që nga data 6 e këtij muaji, një tjetër denoncim vjen nga Përmeti për një person me inicialet G.H.
Prej pesë ditësh Sokol Rama nga Tepelena ka humbur kontaktet me familjen, ndërsa për herë të fundit është lokalizuar përmes telefonit në Përmet.
Ata shprehen se pavarësisht denoncimit, prej pesë ditësh nuk kanë asnjë informacion mbi vendndodhjen e 33-vjeçarit. Ndërkohë që personi i dytë që është zhdukur prej tre ditësh është shoku i Sokol Ramës, me inicialet G.H. nga Përmeti.
Ata dyshohet se kanë qenë bashkë deri në momentin e fundit që Sokol Rama ka humbur kontaktet.
I riu nga Përmeti, dyshohet se është fshehur vetë pasi dyshohet se është përfshirë në disa ngjarje me Sokol Ramën.
Sokol Rama është një emër i njohur për policinë, pasi më parë ka qenë i ndaluar për disa vjedhje. Për zhdukjet e mistershme policia po heton nëse janë përfshirë në ndonjë ngjarje me pasoja, teksa deri tani nuk ka asnjë informacion.
