Zëvendëkryeministri Erion Braçe, pas fitores së Partizanit ditën e djeshme ndaj Kastriotit, ka postuar në “Instagram” në apel për të gjithë personat që sipas tij e kanë marrë me lehtësi ligjin kundër lojërave të fatit. Në këtë mënyrë është kuptuar qartësisht se i “dërguari i qeverisë” mund të funsosë ekipin e Katsriotit, pasi në bluzet e sportistëve mbanin një reklamë të lotove sportive.
Zv.Kryeministri njihet edhe si një tifoz i Partizanit dhe gjithnjë e më shumë pranë drejtorit sportiv të këtij klubi Olsi Rama, ka shpërthyer në deklarata të forta, që i kapërcen kufijtë e një Guerilsi”, pasi edhe ata janë më të moderuar. “Partizani marshon. Të shtrydh, të lodh, të mposht”, shkruante Braçe. Njëkohësisht ai nuk harron as të përmend sponsorin e Kastriotit, që ishte një kompani bastesh.
“Ndërkohë më duhet të përsëris një mesazh: kush e ka marrë lehtë ligjin për mbylljen e moslejimin e Lojrave të Fatit në këtë vend bën gabim të madh! Po i bën dëm kolosal vetes! Ndaleni reklamimin se sankaionet do jenë kostoja shtesë mes halleve që keni!”, thekson ai.
Pas këtij postimi të bërë 13 orë më parë, Policia e Tiranës ka proceduar penalisht administratorin e ekipit të Kastriotit, Gazmend Vogli.
