Kreu i Inspektoratit të Punës, Dritan Ylli ka reaguar sot në lidhje me studimin e Dhomës Amerikane të Tregtisë, sipas të cilit 65% e bizneseve e konsiderojnë të pafavorshme klimën e të bërit biznes.
Ndryshe nga kryeministri Edi Rama dhe qeveria, Ylli thotë se ky është një alarm që duhet të dëgjuar.
“Tepër shqetësues, studimi i paraqitur sot nga Dhoma Amerikane e Tregtisë, ku 65 % e bizneseve, anëtare të Dhomës e konsiderojnë të pafavorshme klimën e të bërit biznes në Shqipëri…Një alarm që vjen nga sipërmarrja private, sidomos ajo e huaj, që ka ndikim direkt në rritjen ekonomike, punësimin e qytetarëve dhe uljen e nivelit shqetësues të varfërisë…Një konkluzion, që duhet të na vërë të gjithëve në pozita pune, për të krijuar një mjedis mikpritës, të ngrohtë dhe dashamirës, larg arrogancës dhe mendjengushtësisë, dhe për më tepër kushte të një konkurrence të ndershme, për të nxitur më shumë investime të huaja në Shqipëri, dhe jo për t’i larguar ata…#biznesiduhetdegjuarmeshume#”, shkruan Ylli në facebook.
