Përditësuar/ “Rama ka ndërtuar modelin e përdhunuese kryetar bashkie, deputetë dhe kriminelë që u rreth shpatullat dhe se nga këta ka ardhur në pushtet”. Deklarata u bë nga kryetari i PD-së Lulzim Basha, gjatë takimit me qytetarë nga Gjirokastra.
“Në çdo vend normal, çdo kryeministër do distancohej menjëherë nga kriminelët që blejnë vota siç tregoi dosja 339 që publikoi Zëri i Amerikës. Çdo kryeministër do ishte distancuar nga ata dhe do ti shkarkonte, por Edi Rama i mbrojti. Edi Rama është kryeministri i krimit dhe kjo është arsyeja pse vuan Shqipëria, pse vuan Gjirokastra. Ai s’do t’ja dijë për hallet për tuaja. Rama se ka lidhur fatin e tij me fatin tuaj, por me një grup kriminelësh, ata e sollën në pushtet ata e mbajnë në pushtet. Ky është një grusht shteti i bërë nga një grusht kriminelësh dhe oligarkësh për të mbajtur peng Shqipërinë”, u shpreh Basha.
“Duhet ti japim fund këtij sistemi që nuk iu mbron, që ka asgjësuar mirëqenien e shqiptare”, tha Basha.
“Ky sistem duhet përmbysur” , u shpreh kryedemokrati, i cili ftoi qytetarët të bashkohen në 16 shkurt.
“Në 16 shkurt nuk iu kërkoj të jeni aty të për sjellë PD-në në pushtet. PD do vijë në pushtet me votën e qytetarëve shqiptarë, me planin e saj për të nxjerrë vendin nga kriza. Por iu kërkoj të bashkoheni siç po bashkoheni të gjithë të djathtë e të majtë, demokratë e socialistë për ta hedhur në Lanë këtë sistem të kalbur dhe për ti hapur Shqipërisë perspektivën e zhvillimit, mirëqenies dhe punësimit”, u shpreh kreu i opozitës.
***
Kryetari i Partisë Demokratike, Lulzim Basha është ndaluar në Gjirokastër mesditën e sotme, për një bashkëbisedim me qytetarë në qytetin e gurtë.
Basha bëri thirrje për pjesëmarrje në protestën e 16 shkurtit para kryeministrisë.
Varfëria e skajshme e shqiptarëve/ Tregtari: Njerëzit marrin bukë pa lekë!
“Kam ardhur këtu ti mbështes dhe ti ftoj që në 16 të marrin rolin i takon këtij qyteti dhe banorëve të kësaj zone në përmbysjen e një sistemi të kalbur i cili që është kthyer në një gangrenë për zhvillimin dhe integrimin e Shqipërisë”, tha kryedemokrati në përgjigje të interesit të medias lokale. /Boldnews.al/
