Kreu i Partisë Demokratike vazhdon takimet e tij me qytetarët. Ndalesa e ditës së sotme ishte në Rrëshen, zoti Basha është pritur me thirrje ‘Rama ik’. Në takimin me banorët e Rrëshenit Basha u ka bërë thirrje të bashkohen të gjithë në protestën e madhe të 16 shkurtit.
Gjatë takimit me kreun e opozitës, qytetarët u ankuan për gjendjen e dobët e dobët dhe politikat qeveritare.
“Edhe hajdutët me maska janë më të ndershëm se Edi Rama”, u shpreh Basha.
“Qeveria duhet të mësojë si të hapë vende pune, të garantojë sigurinë, punësimin, arsimin, kontrata me njerëzit për t’i shërbyer njerëzve jo për të vjedhur fondet publike, me skema korruptive, për të zhdukur fondet e shëndetësisë me koncesione. Objektivi numër 1 është hapja e vendeve të punës me paga e kushte dinjitoze për shqiptarët dhe të rinjtë”, tha Basha, duke theksuar se janë shqiptarët ata që duhet të marrin në dorë fatet e tyre.
“Në duam të kemi një qeveri që u shtrin dorën dhe u ndihmon, një bashki që nuk ju braktis dhe për këto ka dy mënyra, zgjedhje të lira e sistemin e drejtësisë. Zëri i Amerikës ka publikuar fakte tronditëse që tregojnë se në krye të vendit është një kryeministër dhe bandë e përcaktuar nga paratë e drogës dhe krimit. Kush e lidh fatin me kriminelët i vjedh qytetarët, i mashtron, i gënjen, i braktis. Mos e pranoni asnjë minutë poshtërimin”, shtoi kryedemokrati.
https://www.facebook.com/lulzimbasha.al/videos/238816183695494/
