Policia e Korçës ka vënë në pranga një shtetas bullgar i shpallur në kërkim ndërkombëtar për llogari të Organeve të Drejtësisë Bullgare, i dënuar me 9 muaj heqje lirie, për veprën penale: “Pjesëmarrje në organizatë kriminale, mbajtja e instrumetave softëare të dizenjuara për falsifikim”.
Nga Shërbimet e Policisë Kufitare në Qafë Thanë, në bashkëpunim me Specialistët Hetimit në Drejtorinë Vendore të Kufirit dhe Migracionit Korçë, u bë kapja dhe ndalimi i shtetasit të shpallur në kërkim ndërkombëtar: Rumenov Rusev, 36 vjeç, banues në Bullgari.
Ndalimi i tij u bë pasi, në hyrje të Republikës së Shqipërisë, gjatë kryerjes së kontrollit dhe verifikimit të dokumentacionit të tij në sistem, rezultoi se ky shtetas është dënuar me vendim nr P¬32/2014, datë 04.02.2016, të Gjykatës Speciale të Bullgarisë, me 9 muaj burg për kryerjen e veprës penale: “Pjesmarrje në organizatë kriminale, mbajtja e instrumetave softëare të dizenjuara për falsifikim”, parashikuar nga nenet 321/3, 321/2, 246/3, 246/2 dhe 26/1 të Kodit Penal Bullgar. U bë njoftimi i Zyrës Qendrore të Interpol Tiranës, për veprime të mëtejshme.
