Kuvendi ka rrëzuar me 75 votat e mazhorancës dekretin e Presidentit ‘Për Noterinë’, ndërsa u miratuan amendamentet e komisionit të ligjeve të ligjit “Për Kadastrën”, që i kthye për rishqyrtim në Kuvend nga Ilir Meta.
Gjithashtu, janë miratuar edhe projektligjet e tjera në rendin e ditës, si ndryshmet në ligjin për peshkimin, apo efiçencën e energjisë.
Te ligji për kadastrën, opozita dhe mazhoranca bashkuan votat. Po ashtu mazhoranca e opozita u bashkuan me 91 vota edhe në ratifikimin e marrëveshjes Shqipëri-BE mbi veprimet e ndërmarra nga Agjencia e Rojes Bregdetare dhe Kufirit Evropian në Republikën e Shqipërisë.
Rreth tetë orë zgjati seanca e sotme plenare, që u shoqërua me debate të ashpra mes mazhorancës dhe opozitës.
