Marrja e klientëve nga një prostitutë shqiptare ka ngjallur xhelozinë e kolegeve të saj po shqiptare në Torino. Mësohet se tre femrat kanë përfunduar duke u zënë me grushte dhe është dashur ndërhyrja e policisë italiane për ndalimin e dhunës. Të tre femrat kanë përfunduar në spital.
Mediat italiane shkruajnë se prostituta shqiptare kishte edhe një rulotë me të cilën punonte. Kjo gjë ka bërë që t’i shtohen klientët çka nuk i ka pëlqyer shoqeve të saj. Ato e kanë kërcënuar dhe i kanë kërkuar para që ajo të vazhdonte aktivitetin e saj. Pas kundërshtimit, mes tyre ka plasur sherri dhe dhuna.
Madje 2 rivalet e prostitutës shqiptare me kamper i kanë thyer edhe njërin xham dhe i kanë keqtrajtuar qenin. Ndërkaq mësohet se edhe 2 burra italianë që kanë ndërhyrë për t’i ndarë prostitutat kanë marrë lëndime.
