Ambasada e SHBA në Tiranë ka reaguar lidhur me operacionin e ndërmarrë pak ditë më parë që ccoi në arrestimin e 32 shtetasve të përfshirë në trafikun e klandestinëve.
Përmes një deklarate, Ambasada e SHBA përgëzon Policinë e Shtetit dhe zyrën e Prokurorisë së Krimeve të Rënda për suksesin e operacionit ‘Rruga e Gabuar’.
“Përfshirja e Shërbimit të Sigurisë Diplomatike (DSS), dega e zbatimit të ligjit e Departamentit të Shtetit, tregoi mbështetjen tonë për luftën ndaj rrjeteve ndërkombëtare të krimit të organizuar.
Shërbimi i Sigurisë Diplomatike është i angazhuar për të bashkëpunuar për hetimet penale me Policinë e Shtetit dhe zyrën e Prokurorisë, me qëllim shkatërrimin dhe çmontimin e këtyre rrjeteve”, thuhet në deklaratë.
