Prej 26 ditësh studentët e Juridikut janë ngujuar në fakultetin e tyre dhe janë shprehur se nuk do ta lirojnë godinën deri në shfuqizimin e ligjit të lartë.
Ata pas ngujimit pritet të përshkallëzojnë protestën e tyre në grevë urie.
Disa nga studentët u shprehën:
Arlind Hoxha: Tani jemi në fazë që ka filluar konkretizimi. Greva është një vendim individual, kemi bërë edhe listat për grevën dhe është një numër i konsiderueshëm.
Ne do të japim një mesazh jo vetëm për rrëzim ligji por edhe të gjithë klasës politike.
Kemi mbledhur deri tani rreth 75-80 firma.
Teksa sa u përket presioneve të bëra ka folur Ambra Nazarko, një prej të cilave është edhe shantazhuar me anë të celularit.
Ambra Nazarko: Sigurisht që ka pasur presioni si për ata që janë në ngujim por edhe ata që janë në shtëpi.
Personalisht më kanë kërcënuar me anë të celularit.
Kryesisht kërcënimet janë nga partitë.
Ndërsa studenti Marlin Muça tha: Demokracia në Shqipëri është një sfidë, duhet shpëtuar dhe mund të shpëtohet vetëm nga studentët.
/Ariglon Pali/Boldnews.al/
