Parimi i ish kryeministrit Sali Berisha në gjithë karrierën e tij politike nëse humbet zgjedhjet është që të largohet.
Kështu është përgjigjur Berisha i pyetur në studion e Ilva Tares nëse duhet të vazhdojë Lulzim Basha në krye të PD-së nëse humbet zgjedhjet e përgjithshme të vitit 2017-të.
Sipas tij, ai ka qëndruar në krye të PD-së megjithëse ka humbur, por ka faktuar manipulimet.
I pyetur nëse ka në plan të rikthehet në krye të selisë blu, përgjigjja e ish-kryetarit ka qenë e prerë: Kurrë!
“Derisa të kem mundësi fizike do të jem aktiv në këtë parti, por tashmë nuk kam asnjë ambicie për të drejtuar këtë parti” – tha Berisha.
