Nga Boldnews.al
Ndryshime masive priten së shpejti në radhët e kupolës drejtuese të Policisë së Shtetit.
Ministri i Brendshëm Sandër Lleshaj mësohet se ka kërkuar raport vlerësimi për drejtuesit e policisë.
Burime kofidenciale thanë për “Boldnews” se, i është kërkuar Drejtorisë së Përgjithshme të Shërbimit Për Çështjet e Brendshme dhe Ankesat, vlerësime për drejtuesit, komisaret, drejtuesit e qarkullimit, dhe drejtuesit e SHCBKA ne rrethe.
Referuar raporteve, pritet të ketë lëvizje drejtuesish të çdo niveli.
Është kërkuar informacione për kohën kur janë emëruar në detyra, performancën në detyrë referuar raporteve të ngjarjeve dhe zbulueshmërisë, përputhshmërinë e pozicionit me gradën, dhe ankesat që ekzistojnë në raport me denoncimet.
