Pedagogët e Fakultetit të Shkencave Sociale kanë marrë një vendim për të nisur një grevë deri në plotësimin e kërkesave të tyre që kanë të bëjnë me anullimin e disa VKM të miratuara së fundmi nga qeveria dhe ligjit për Arsimin e Lartë.
Ndërkohë që në orën 11:00 pritet një mbledhje e Asambleve të fakulteteve të Universitetit të Tiranës ku do të merret vendimi për të mbështetur ose jo grevën e pedagogëve të FSHS, studentët e këtij fakulteti kanë shprehur mbështetje të plotë.
Madje në rrjet është afishuar edhe programi për ditën e hënë, ku në orën 08:00 studentët do të mblidhen në hollin e fakultetit, ndërsa në orën 09:00 pedagogët do të deklarojnë zyrtarisht nisjen e grevës. Sipas programit të bërë publik, në orën 10:00 do të ketë një ligjërim mbi protestat studentore nga Albin Kurti.
