Të tjera detaje zbulohen nga superoperacioni i policisë italiane, e cila sekuestroi në Bari rreth 1 ton drogë, tritol e municione që vinin nga Shqipëria.
Mediat italiane shkruajnë se në krye të organizatës kriminale është 47-vjeçari Roland Lame, i cili drejtonte trafikun nga Shqipëria drejt Italisë.
Sipas mediave 47-vjeçari Lame ka edhe nënshtetësi italiane. Pas tij fshihet edhe djali i tij 25-vjeçar, Fabio.
Policia italiane ka publikuar edhe pamjet e operacionit, ku u arrestuan 8 persona, mes të cilëve 3 shqiptarë. Gjatë gjithë operacionit janë sekuestruan plot 1 ton marijuanë, një kallashnikov, 47 fishekë për të shpuar material të blinduar, 170 plumba dhe 45 kilogramë tritol.
