Ishin njohur në “Badoo”, del foto e shqiptarit të arrestuar për përdhunimin e të miturës
Personi që shihni në fotografi është Edi Jaupllari, i vënë në pranga nga policia greke për akuzën e abuzimit seksual me të mitur.
Edi Jaupllari u arrestua në 23 janar në Pire, me akuzën e përdhunimit të një 16-vjeçareje dhe kërcënimin e vazhdueshëm të saj.
Të rinjtë ishin njohur përmes një rrjeti social, “Badoo” dhe pasi kishin folur kishin lënë një takim. Jaupllari kishte shfrytëzuar rastin për të kryer marrëdhënie seksuale pa dëshirën e saj, ndërsa më pas e kërcënonte se do të publikonte foto dhe video nga takimi në internet.
Ky është rasti i dytë ku një shqiptar arrestohet për kërcënimin e një të miture brenda një jave.
Një 22-vjeçar u arrestua 2 ditë më parë në Mesinia, nga policia e Kalamatas, pasi i kërkoi një 14-vjeçareje t’i dërgonte foto nudo në “Badoo”.
