Burime policore tregojnë se është ndaluar pasdite një i ri rreth 30 vjeç, që dyshohet se ka lidhje me atentatin e sotëm, ku në drekë u vra Arben Bilali, ish-efektiv i forcave special të policisë.
Ende nuk jepen detaje se kush është i ndaluari dhe si është përfshirë në këtë ngjarje.
Autorët e vrasjes së sotme mësohet se kanë qënë të maskuar dhe pas goditjes me 10 plumba, janë larguar nga vendi i ngjarjes me një makinë tip “Benz”.
Kamerat e shumta të sigurisë, mendohet se e kanë ndihmuar policinë për të gjetur të dhënat e para rreth autorëve. Priten hollësi të reja në vijim.
