Deri para pak muajsh askush nuk e njihte kryetaren e FRESSH-it Joleza Koka. Vetëm pas fjalimit të saj të “bujshëm” para të rinjve, ku tregoi se ku kishte fjetur gjithçka që vërtitet rreth saj bëhet lajm.
Dhe nuk ishin të pakta rastet ku Joleza u vu në qendër të lajmeve rozë për shkak të gafave të saj. Megjithatë deri më tani nuk ka patur shumë informacion për jetën e saj personale. Por gazeta “Paloma” ka zbuluar së fundi se kush është i dashuri i saj.
Bëhet fjalë për një figurë po ashtu të njohur nga publiku, Leart Kola, ish-aktivisti i MJAFT-it, i cili ka qenë po ashtu këshilltar i Erion Veliajt, kur ai drejtonte Ministrinë e Mirëqenies Sociale.
Të afërm të çiftit thonë që ata kanë disa vite bashkë dhe bëhet fjalë për një marrëdhënie të konsoliduar, edhe pse janë përpjekur ta mbajnë larg vëmendjes së mediave, aq sa nuk mund të gjendet as edhe një foto e të dyve së bashku.
