Partia Demokratike i është përgjigjur akuzave të PS-së për 2 deputetët Flamur Noka dhe Alban Zeneli, duke i kujtuar ish-drejtoreshës së Doganave, sot zëdhënëse e Kryesisë së selisë rozë Elisa Spiropali, gropën në dogana. PD thotë se Rama dhe Elisa nuk dallojnë dot vrasësit, tutorët, trafikantët, nga një aksident rrugor dhe një arratisje nga Shqipëria e Ramizit.
“Nuk mund të gjente Edi Rama person më të përshtatshëm për të bërë gargarë me jargët e tij, se sa Elisën e traut të ngritur, që krekoset nëpër tavolina miqsh se ka bërë 5 milionë euro për një vit në dogana. Po ç’turp mund të ketë Rama dhe Elisa e tij që hapën gropën më të madhe në historinë e doganave me 1 milionë dollarë vjedhje në ditë. Syri ju sheh vetëm para, dollarë, euro, ndaj nuk arrijnë të dallojnë vrasësit, tutorët, trafikantët, nga një aksident rrugor 24 vite më parë. Elisa e traut të ngritur u përdor dhe sot për te vënë barazinë mes krimeve të tmerrshme e çnjerëzore të Frrokut, Nokës, Bushit, Roshit, Prengës, Bardhit, me arratisjen nga Shqipëria e Ramizit. Elisa e traut të ngritur duhej të ishte në kaushin e plehrave për evazion, por me Ramën atë se kap drejtësia. Drejtësia do të bëhet, dekriminalizimi do të bëhet dhe jargët që dalin nga selia e Ramës nuk e pengojnë dot, deklaron PD.
