Ish-kryetarja e Kuvendit, Jozefina Topallia e ka cilësuar të papranueshme përjashtimin e ish-kryeministrit Sali Berisha nga Parlamenti për 10 ditë dhe ka ftuar opozitën të mbajë një qëndrim të fortë.
Sipas Topallit, vendimi i mazhorancës tregon frikë pasi ata janë të lidhur me krimin. Kjo është një manovër për t’i mbyllur gojën opozitës, ka thënë Topalli.
“Vendi ynë ndodhet në një udhëkryq në kuptimin e mbulesës së sigurisë brenda vendit në kushtet e krizës ekonomike dhe financiare. Ngjarja e së enjtes së kaluar në mbrojtje të parlamentarizmit, në një betejë të ashpër dhe të frikshme me krimin.
Vendimi i tyre është një vendim që tregon frikën, që shpreh doktrinën e tyre për të përjashtuar opozitën nga çdo gjë. Është një ngjarje jashtëzakonisht e rëndë, që flet për degradim të shtetit ligjor për të cilin opozita duhet të mbajë një qëndrim të fortë”, u shpreh Topalli për gazetarët.
