Forcat RENEA rrethojnë qytetin e Elbasanit pas përplasjes me armë zjarri mes bandave që la tre të vdekur. Indrit Alibeaj dhe Arben Dylgjeri humbën jetën në vend, ndërsa mes viktimave është edhe një shtetas kolumbian E.K.
Të tre personat mësohet se kishin ardhur në Shqipëri pak ditë më parë për festat e fundvitit. Shtetasi kolumbian mësohet se ka qenë në shoqërinë e dy viktimave të tjera Alibeaj dhe Dylgjeri në zonën pranë Metalurgjikut në Elbasan.
Kur kanë kaluar një orë nga kjo ngjarje e rëndë, policia nuk ka asnjë të dhënë lidhur me autorët, të cilët besohet se pas atentatit janë larguar me një automjet në drejtim të Peqinit.
