Efektivja e forcave “Shqiponja” Ina Nuka është shprehur se në reshtin e parë të protestës së 22 Nëtorit, duhet të ishin efektivë më të specializuar.
Nuka, e cila u lëndua në dorë teksa tentonte të largonte një kapsollë nga qafa, që sipas policisë ia hodhi Danial Dobraj, ishte e ftuar këtë të enjte në emision “Real Story”.
Drejtuesi i emisionit Sokol Balla, teksa bëri një parantezë, duke u shprehur se ajo protestë bëhej nga persona të cilët “po i prisheshin çatitë e jo thjesht një dyqan”, pyeti efektiven nëse do të ishte më mirë që në resht të parë të ishin trupa më të specializuar, nisur nga specifika e protestës.
“Mendoj se po. Lëvizjet e turmave janë të paparashikuara”, u përgjigj Ina Nuka, e cila ishte në reshtin e patë të protestës.
Ajo tregoi edhe momente nga plagosja.
“Ne ato momente, ishim përballë protestuesve. Ndjeva vetëm erën e barutit qe e kisha ne qafe (kapsollën). E hoqa instinktivisht”, tha efektivja, e cila disa ditë më parë u kthye nga Turqia ku u dërgua për mjekim pas ngjarjes.
Policja qe humbi gishtat ne proteste, Ina Nuka
