Edi Rama sot ka veshur edhe petkun e seksologut duke dhënë këshilla për çiftet e reja.
Gjatë një aktiviteti më herët gjatë kësaj të enjteje, në prezantimin e flotës së re të ambulancave, në Sheshin “Nënë Tereza” në Tiranë, Rama i këshilloi çiftet e reja që “të shtyjnë fort përpara”, e më tej të përfitojnë nga shpërblimet e qeverisë për lindjet.
Shpërblime që në fakt, nga shumë janë cilësuar qesharake, në krahasim me koston e rritjes së një fëmijëve.
“Nga ana tjetër sigurisht që krahas bursës për ekselentët do japim dhe bursën për ata që vijnë në jetë, bonusin e bebes. Kuptohet që ata që vijnë të parët do e kenë më të ulët, ata që vijnë të dytët do e kenë më shumë, ata që vijnë të tretët akoma më shumë, 400 të parët, 800 të dytët, 1200 të tretët dhe kur vijnë bashkë i marrin po bashkë njësoj. Binjakët marrin 800 të dy, të tretët marrin 1200 të tre. Kështu që duke iu uruar Gëzuar Vitin e Ri dhe duke iu uruar çifteve të reja që të shtyjnë fortë përpara, ju uroj të gjithëve shumë sukses në Urgjencën Kombëtare”, tha Rama.
/Boldnews.al/
