Graciano Tagani nuk është më pjesë e trupës së balerinëve profesionist të Albi Nakos. Në një intervistë për emisionin “Thumb”, që do të transmetohet e plotë të shtunën, Graciano rrëfeu se Albi e kishte pushuar nga puna.
Mirëpo, duket se balerini nuk është aspak i lumtur me mënyrë sesi iu komunikua, duke sqaruar se e kishin njoftuar vetëm me një mesazh në telefon.
“Nuk jam më, tashmë prej tre javësh. Një njeri i madh si Albi mund të pushojë nga puna vetëm nga “Whatsapp”-i me një mesazh. Unë Albin nuk e kam pasur vetëm koreograf, e kam pasur mik dhe minimalisht nga një mik e pret që të të japë një sqarim të paktën”, shprehet Graciano.
Ai ka qenë pjesë e trupës së balerinëve të Albi Nakos prej disa vitesh. Tagani u shkëput nga aty për pak kohë, pasi kaloi te spektakli i kërcimit “Dancing ëith the stars”, por që më pas u rikthye në “Klan”.
