Nga të gjitha infeksionet seksualisht të transmetueshme, sifilizit nuk merr vëmendjen e duhur, edhe pse rastet e të infektuarve janë shtuar shumë vitet e fundit. Sipas Qendrës për Kontrollin dhe Parandalimin e Sëmundjeve, rastet me sifiliz janë shtuar me rreth 18% nga 2015-2016.
Për gratë sidomos ky numër është rritur me 36%, ku një pjesë e madhe e tyre ia kanë kaluar infeksionin edhe bebeve.
Këto statistika janë vërtet shqetësuese, duke marrë parasysh faktin që sifilizi mund të shkaktojë probleme edhe më të rënda nëse nuk trajtohet. Brenda disa orësh deri në disa ditë pas ekspozimit, infeksioni mund të përhapet në të gjithë trupin. Bakteri mund të futet në nodujt limfatikë dhe të kalojë edhe në sistemin nervor qendror, përfshirë edhe trurin.
Sifilizi, që transmetohet nëpërmjet seksit vaginal, anal ose orale, ose ndonjëherë edhe me anë të puthjes, mund të trajtohet lehtësisht, megjithatë duhet të merret mjekim i menjëhershëm për të shmangur komplikacionet.
Ky infeksion shkaktohet nga bakteri Treponema pallidum.
Në varësi të fazës së sëmundjes shfaqen edhe simptomat. Ja cilat janë disa nga shenjat e para të kësaj sëmundjeje, që çdo grua duhet t’i dijë.
Në fazën e parë të sëmundjes: ulcera pa dhembje
Shenja e parë e sifilizit është zakonisht një ulcer e vogël pa dhembje (ose disa). Këto shenja ndryshojnë nga herpesi sepse nuk shkaktojnë dhembje. Plagët shfaqen zakonisht përreth vaginës, anusit ose gojës, në varësi edhe të mënyrës së transmetimit të infeksionit.
Sifizili mund të përhapet nga një person te tjetri nga kontakti i drejtpërdrejtë me plagën. Ulcerat mund të zhduken vetvetiu (pa trajtim mjekësor) brenda 3-6 javësh, megjithatë kjo nuk do të thotë që infeksioni është larguar.
Sifilizi në fazën e dytë: simptoma të ngjashme me gripin dhe shpërthim të puçrrave
4 deri 6 javë pas përtharjes së ulcerave, sifilizi mund të jetë përhapur aq shumë në trup sa nuk mund të mbahet nën kontroll as nga sistemi imunitar.
Kjo mund të çojë në shfaqjen e simptomave të tjera, si:
- Temperaturë
- Gjëndra të ënjtura
- Dhembje fyti
- Dhembje koke
- Rënie të flokëve
- Rënie nga pesha
- Dhembje të trupit
- Lodhje, dobësi
Ndërkohë që sëmundja përparon, mund të shfaqen puçrra në pëllëmbët e duarve ose shputat e këmbëve.
Faza e fundit e sifilizit: asnjë simptomë
Nëse lihet pa trajtuar, sifilizi mund të përparojë në fazën pa simptoma. Infeksioni mund të “fshihet” në pjesë të ndryshme të trupit, si tru, enë gjaku dhe lloje të caktuara qelizash.
Vetëm 60% e njerëzve mund të jetojnë normalisht me infeksionin e fshehur në trup, që nuk shfaq asnjë simptomë, ndërkohë që 40% përfundojnë me komplikacione më të rënda, duke qenë se infeksioni fillon të ndikojë në pjesë të ndryshme të trupit.
Stadi terciar: probleme mendore dhe me shtyllën kurrizore
Në stadin terciar, i cili është pas shumë vitesh sifilizi jep dëmtime të rënda të zemrës, të trurit, të palcës kurrizore etj.
💊 Si trajtohet sifilizi? 💊
Për diagnostikimin e sifilizit duhet të bëhen disa analiza gjaku. Qendra për Kontrollin dhe Parandalimin e Sëmunjdeve thekson se çdo grua shtatzënë duhet të bëjë testin për sifilizin, pasi bakteri mund të infektojë dhe vrasë fetusin në zhvillim.
Është shumë e rëndësishme që sëmundja trajtohet sa më parë të mundet, prandaj bëni një vizitë te mjeku nëse ju shfaqen këto simptoma.
Për trajtimin e këtij infeksioni përdoret penicilina. Edhe pse ky lloj antibiotiku funksionon edhe nëë fazat e fundit të sëmundjes dhe mund të parandalojë përhapjen e sëmundjes, ai nuk mund të kurojë komplikacionet që ky infeksion ka shkaktuar.
Për personat që janë alergjikë ndaj penicilinës, mjekët rekomandojnë lloje të tjera të antibiotikëve, si tetraciklinë, deoksicicline ose ceftriaksone për rastet më të rënda.
Duhet të shmangni kryerjen e marrëdhënieve seksuale derisa plagët të jenë shëruar plotësisht.
Burimi: JoTabu.al