Drejtoria e Hetimit dhe Drejtoria e Antikontrabandës zbuloi falë një hetimi disa javor kontrabandën e mallrave që paguajnë akcizë.
Kështu u vunë në pranga dy përfaqësues të firmës së pijes energjike “B 52” pas një kontrolli në magazinat e tyre në Tiranë.
Rezultoi se sasia prej rreth 1 mijë litrash e pijes energjike B 52, e prodhuar në Maqedoni, i është shmangur detyrimeve doganore, me qëllim tregtimin e këtij produkti për të cilin paguhet akcizë.
Personat e arrestuar akuzohen veprën penale të “Kontrabandës me mallra që paguajnë akcizë” në bashkëpunim. Materialet procedurale i kaluan Prokurorisë Pranë Gjykatës së Tiranës. Ndërkohë, hetimet po vijojnë ne pikat doganore dhe për personelin doganor prej nga dyshohet që është kontrabanduar ky produkt.
