Skandali i abuzimit seksual ndaj tre vajzave jetime në rezidencën e fëmijëve jetim në Shkodër është investiguar edhe nga avokati i Popullit me anë të 2 grupeve ekspertësh penalë dhe psikologë.
Ky grup pasi ka përpiluar dosjen ia ka dërguar prokurorisë rekomandim për fillimin e ndjekjes penale për “shpërdorimin e detyrës” për dy punonjës të kësaj qendre. Sipas avokatit të Popullit, Igli Totozani, ngjarja po bëhet edhe më e rëndë nga sa kishin zbuluar grupi i punës.
“Bëhet fjalë për një hetim dy javor intensiv i prokurorisë. Vërtet është rasti për ta falenderuar përzemërisht për punën profesionale. Rezultati i monitorimit tonë ka mbetur tek ngacmimet seksuale, ndërsa prokuroria përmes hetimit të saj dhe ekspertëve mjeko ligjor ka arritur të konstatojë që ngjarjet janë edhe më të rënda se ato që kemi gjetur ne. Bëhet fjalë për disa fëmijë, nuk mund të them një numër, por janë më shumë se dy që janë keqtrajtuar dhe janë detyruar të punojnë në atë qendër.
Gjithashtu ka implikim të familjarëve, të fëmijëve të njërës prej personave të cilët janë në ndjekje tashmë nga prokuroria. Ngjarja është komplekse.”, ka thënë Totozani.
