Robert Lewandowski pret që atmosfera e veçantë në stadiumin olimpik të Berlinit të ndihmojë Bayern Munich të fitojë Kupën e Gjermanisë, në përballjen kundër Borussia Dortmund, ditën e shtunë. Bayern Munich synon të përsërisë sezonin e kaluar kur fitoi kampionatin dhe kupën, në ndeshjen e fundit me Pep Guardiola në stol, vetëm pak ditë pasi siguruan titullin e katërt radhazi në Bundesligë. Ndeshja e së shtunës do të jetë e veçantë për Lewandowski, sepse Borussia, e renditur në vendin e dytë të kampionatit, është skuadra ku u bë i famshëm. Sulmuesi polak e ka fituar Kupën e Gjermanisë në vitin 2012, si pjesë e Dortmund. Bayern Munich fitoi titullin e katërt radhazi kampion
“Çdo kampionat është special për mua. Eshtë hera e katërt radhazi që Bayern fiton titullin kampion dhe është një moment i rëndësishëm. Jam shumë i lumtur që kam në një skuadër të tillë. Çdo titullin në Gjermani është nuk, qoftë kampionati, qoftë kupa, – deklaroi Lewandowski. – Uroj që ta mbyllim sezonin me një tjetër trofe. Mendoj se Dortmund është ekip i fortë dhe do të jetë ndeshja mes dy ekipeve më të mira në Gjermani, shumë e bukur për t’u parë, shumë e bukur për tifozët. Atmosfera në stadiumin e Berlinit është e veçantë për mua. Eshtë më e ngrohtë se finalja e Champions League. Shpresoj të jemi të lumtur në fund të ndeshjes dhe të festojmë sërish nga ballkoni në Mynih.”
