Studentët do të protestojnë sërish sot për plotësimin e 8 kërkesave të tyre. Ata kanë njoftuar se do të mblidhen në 8.30 pranë fakulteteve të tyre dhe më pas do të marshojnë drejt Kryeministrisë.
Kryefjala e studentëve është plotësimi i 8 pikave nga kryeministri Edi Rama, por jo me dialog, ndërkohë që ky i fundit ka nisur një seri takimesh me pedagogë dhe studentë. Por studentët pretendojnë se studentët dhe pedagogët janë mbajtur forcërisht nëpër fakultete. Qëndrimi i tyre ka qenë dhe mbetet, jo dialog me Edi Ramën, por të pranojë tetë kërkesat.
Ata bëjnë thirrje që ashtu si ditët e tjerë të gjithë studentët të bojkotojnë mësimin. ndërsa i bëjnë thirrje që edhe universitetet e rretheve t’i bashkohen protestës së tyre në Tiranë.
