Gazetari Mentor Kikia e ka quajtur protestën studentore si diçka tërësisht të gabuar për shkak të bllokimit të rrethrrotullimit të “Zogut të Zi” në kryeqytet.
“Studentët para kryeministrisë thanë nuk kanë tymuese dhe janë për protestë paqësore. Shkuan e përshkallëzuan në dëm të qytetarëve duke terrorizuar qytetarët sot. Nuk mund të zësh rrugën, kjo nuk është e drejtë. Qytetari ka punuar tërë ditën edhe duhet të presë për të shkuar në punë.Bjerini me gure kryeministrisë para se t’i zini rrugën banorëve. Rrugët u bllokuan si pasojë e përleshjes të qytetarëve me policinë. Nëse do protestohet për kërkesa ekonomike një pjesë janë realizuar, një pjesë do realizohen, ndërsa një pjesë është abstrakte”, tha Kikia dje në emisionin Open.
“Nëse do dalin të bllokojnë rrugën me kërkesa të tjera, nëse do dalin vetëm për tarifa s’ta mirëkupton njeri bllokimin e ‘Zogut të Zi’. Kjo protestë sot është pasuri kombëtare. Nëse vendosni ultimatum pas ultimatumit ka një veprim”, u shpreh Kikia.
