Zbardhet skema si u grabit makina që transferonte 7.5 milionë lekë, para të Drejtorisë së Përgjithshme të Transportit Rrugor në Durrës. Paratë po transportoheshin nga një firmë private sigurie nga “DPSHTRR” në drejtim të një banke të nivelit të dytë.
Mjeti i blinduar i kompanisë private shoqërohej nga dy efektivë të armatosur. Sulmi ndaj tyre ka ndodhur në momentin që kanë ndaluara para filialit të bankës për të bërë dorëzimin e parave. Në këtë moment, dy persona të maskuar dhe të armatosur të cilët i kanë thënë rojeve private: “hidhni armët dhe mos bëni asnjë lëvizje pasi do t’ju qëllojmë”.
Efektivët e kompanisë private të sigurimit janë gjëndur të papërgatitur dhe nuk kanë bërë rezistencë.
Autorët pasi kanë marrë paratë janë larguar me një makinë tip Benz në drejtim të Shijakut. Efektivët e policisë privatë që kryenin transportin e parave lajmëruan menjëherë qendrën e tyre dhe nga aty informohet edhe policia e shtetit, e cila u vu menjëherë në lëvizje.
“Rreth orës 16 :50, në lagjen nr.14 Shkozet, dyshohet se 3 persona me një mjet, nën kërcënimin e armës dhe të maskuar i kanë dalë përpara një mjeti (shoqëri private sigurimi) që po trasportonte lekët e Ndërmarrjes së Drejtorisë Rajonale të Transportit Durrës në një bankë të nivelit të dytë dhe i kanë marrë një shumë parash.
Efektivet e Policisë po punojnë për kapjen e autorëve të dyshuar dhe zbardhjen e plotë të rrethanave të ngjarjes”,- sqaroi shkurtimisht policia nëpërmjet një njoftimi për shtyp.
