Pas rreth 30 vitesh në politikë, me lëvizje e politika të akuzuara se ka pasur qëllim kryesor përfitimet vetjake në dëm të popullit, Ilir Meta, duket se është kujtuar për studentët…
Ai ka vendosur të mos dekretojë ligjin për buxhetin që u miratua me votat e mazhorancës, me arsyetimin që të ketë reflektim me qëllim plotësimin e kërkesave të studentëve dhe interesit publik.
Mesa duket, Meta, i cili ishte në koalicion me PS-së kur u hartua dhe miratua ligji për Arsimin e Lartë, që si atëherë dhe tani kundërshtohet me forcë nga studentë dhe pedagogë, tanimë që është ka marrë karrigen e Presidentit, i është kujtuar se në këtë vend ka edhe studentë.
“Presidenti i Republikës SH.T.Z. Ilir Meta, duke ndjekur me shumë vëmendje situatën politike më të fundit në vend, si dhe duke vlerësuar konsensusin e gjerë publik mbi kërkesat e studentëve, të cilat janë konsideruar nga të gjithë aktorët politikë si, të drejta, legjitime dhe të realizueshme, duke synuar interesin më të mirë në përmbushjen e objektivave sociale të parashikuara në nenin 59 të Kushtetutës, si dhe në garantimin e stabilitetit në vend, me dekretin nr. 10997, datë 13.12.2018 ka vendosur ‘Kthimin për rishqyrtim në Kuvend të ligjit nr.99/2018 ‘Për buxhetin e vitit 2019’, me qëllim rishqyrtimin e tij”, thuhet në njoftimin e Presidencës.
Më tej sqarohet se: “Presidenti i Republikës, ka besimin e plotë se Kuvendi i Shqipërisë do të reflektojë një bashkëpunim gjithëpërfshirës me qëllim plotësimin e kërkesave të studentëve dhe interesit publik”.
/Boldnews.al/