Sot në aksin rrugor Lezhë-Shkodër, në vendin e quajtur Gjadër, ka ndodhur një aksident automobilistik ndërmjet një makine e një motorçiklete e si pasojë kanë mbetur të plagosur dy personat në motorçikletë.
Mjeti Pezho me targë AA680NF që drejtohej nga E.M. u përplas me motorçikletën që drejtohej nga 57-vjeçari V.V. nga fshati Grash i Lezhës dhe gruaja T.V. 53 vjeçe.
Drejtuesi i motorçikletës ndodhet në gjendje të rëndë shëndetësore dhe është dërguar për në Qendrën e Traumave në Tiranë për ndihmen e nevojshme mjekësore, kurse gruaja e ulur pas tij është dërguar në spitalin e Lezhës, nën kujdesin e mjekëve.
Shoferi i makinës, E.M. u shoqërua në Komisariatin e Policisë Lezhë për veprime të mëtejshme.
Grupi hetimor në vendngjarje po vazhdon veprimet për përcaktimin e plotë të shkaqeve të aksidentit.
