Deputetja e Partisë Demokratike, Albana Vokshi ka reaguar me nota ironie pasmesazhit që kryeministri Rama iu përcolli studentëve përmes komunikimit në rrjetet sociale.
Përmes një statusi në rrjetin social “Facebook’, deputetja shkruan se Rama i adreson pyetje vetes dhe po kështu ai kthen përgjigje. Ajo shprehet mes tjerash se shefit të qeverisë i ka ngelur sharra në gozhdë me studentët, të cilët sipas saj’ nuk po kërkojnë asgjë më shumë por thjesht të drejtat e tyre.
“Vetë pyet, vetë përgjigjet, vetë bërtet e uluret, vetë qesh kot e vetë ngryset, vetë ofrohet e vetë vetë-refuzohet… Po tërbohet se s’po ja var askush asaj cka kazani i tij i llumit dhe intrigës gatuan.
I ka hasur sharra në gozhdë me studentët e vendosur për të marrë as më shumë e as më pak vetëm të drejtat e tyre.
NUK DUAN LËMOSHËN QË DO T’U HEDHË KRYEMINISTRI POR DINJITOZË KËRKOJNË VETËM ATË QË ME LIGJ JU TAKON: TË DREJTËN PËR ARSIM CILËSOR E TË PËRBALLUESHËM”,- shkruan ajo.
