Trajneri i Italisë, Antonio Conte është liruar nga akuzat duke u shpallur i pafajshëm për mashtrimet sportive.
Prokurori i Kremonës në prill ka rekomanduar një dënim prej 6 muaj burg dhe një gjobë prej 8 mijë eurosh për Antonio Conten por gjykatësi Pierpaolo Beluzzi hodhi poshtë akuzat kundër ish-mesfushorin e Juventusit, raporton ‘Goal’, shkruan Syri.net.
Në kohën kur ishte tek Siena në Serie B, Conte u akuzua për fiksim rezultati në ndeshjen kundër AlbinoLeffe.
46-vjeçari mohoi të gjitha akuzat, ndërsa rasti u përshpejtua për të shmangur zvarritjen e kësaj çështjeje, para se Conte të udhëheqë Italinë drejt ‘Euro 2016’.
