Kur duhet edhe 6 muaj nga vendimi i Këshillit të Ministrave të BE-së, për hapjen ose jo të negociatave me vendin tonë, eurodeputeti Knut Fleckenstein është i pakënaqur me rezultatet e reformave të ndërmarrja nga mazhoranca. Megjithatë, ai është i vetëdijshëm se shtyrja e tyre do të kishte një efekt negative për aspiratat e rajonit drejt BE.
“Mesazhi kyç për Shqipërinë është: Vazhdoni kështu, por ka gjithashtu disa pika, ku ne do të donim të shihnim më shumë rezultate. Por ishte një mesazh drejtuar gjithashtu Këshillit të ministrave, që ne i mbahemi vendimit tonë dhe mbështesim Komisionin Europian për hapjen e negociatave dhe kërkojmë që ato të hapen vitin e ardhshëm. Nëse kjo nuk ndodh, nuk do ketë rrjedhoja negative vetëm për rajonin, por edhe për institucionet europiane. Nëse ato nuk janë të besueshme, atëherë harroji ato”, u shpreh ai për Abc News.
Flakenstain nuk la pa përmendur edhe precesin e Vettingut, i cili sipas tij duhet të vijojë me hapa më të shpehtë. “Procesi i Vettingut do të vazhdojë dhe se postet vakante do të mbushen. E kuptoj që është një situatë e vështirë, por kjo mund të ndodhë në një fazë të tillë tranzitore. Problemet nuk mund të zgjidhen të gjitha njëkohësisht. Duhet pak durim për këtë. Nga ana tjetër është absolutisht e nevojshme, që gjykatat dhe prokuroritë të funksionojnë dhe që këto poste vakante të mbushen”.
Shqipërisë iu refuzua për herë të dytë hapja e negociatave me 26 qershor, pasi rezultatet e reformave kundër krimit dhe lufta kundër korrupsionit ishin larg pritshmërive te disa vendeve, si: Franca, Holanda apo Danimarka.
