Prokuroria e Krimeve të Rënda ka marrë përgjigje lidhur me letër-porosinë e dërguar në Mal të Zi, ku kërkonte informacione për për lëvizjet e ish-ministrit Saimir Tahiri në këtë shtet.
Burime pranë prokurorisë thanë se, autoritetet ligjzbatuese të Malit të Zi kanë konfirmuar se Saimir Tahiri së bashku me familjen e tij ka udhëtuar me makinë nga pika e Muriqanit verën e vitit të shkuar në drejtim të Malit të Zi.
Kakt ky i pranuar edhe më herët nga vetëm ish-ministri i Brendshëm.
Mësohet se në përgjigjen e mbërritur, janë shënuar me detaje orari i nisjes së jahtit si dhe emrat e personave që shoqëronin Tahirin në udhëtim. Emrat e përmendur në shkresë do të merren në pyetje nga grupi hetimor.
Prokurorët shqiptarë kanë dyshime se udhëtimi i Tahirit nga Mali i Zi drejt Italisë ka të bëjë me aktivitetin e grupit të vëllezërve Habilaj të akuzuar për trafik droge. Hetimet ndaj Tahirit nisën një vit më parë. Ai akuzohet se ka ndihmuar vëllezërit Habilaj për të kryer trafik droge.
Një muaj më parë, vetë Tahiri njoftoi se autoritetet italiane i pushuan atij çështjen, pasi nuk u gjetën prova që ta implikonin në trafik droge. Ndërsa afati i mbylljes së hetimeve në vendin tonë, i shtyrë 3 herë radhazi, përfundon në janar të 2019.
