Prej disa ditësh është bërë publik lajmi se Meghan Markle dhe princi Harry po shpërngulen nga pallati mbretëror për të jetuar në Cottage Frogmore në Windsor Estate.
Shpjegimi i shpërnguljes është se çifti duan të rrisin fëmijët e tyre larg atmosferës mbretërore në Kensington Palace. Por gazetarja e “Vanity Fair”, Katie Nicholl, është shprehur se ka një tension midis vëllezërve.
Një burim ka treguar se Harry dhe William patën një zënkë Krishtlindjet e kaluara, kur Harry i tha vëllait të tij më të madh se ai nuk po bënte mjaftueshëm për të përfshirë Meghan në familjen mbretërore.
“Harry ndjeu se William nuk po i shtronte tapetin e kuq Meghan-it dhe i tha atij. Ata patën një zënkë që u zgjidh vetëm kur Charles hyri dhe i kërkoi William-it të bënte një përpjekje”, thotë burimi.
