Jorida Tabaku njëkohësisht dhe deputetja e PD-së dhe nënkryetarja e Komisionit të Ekonomisë në Kuvend, ka denoncuar sot faktin e miratimit të Buxhetiti të shtetit në shkelje të Kushtetutës.
Sipas Tabakut sot mbledhja e Komisionit të Ekonomisë e Financave është drejtuar nga sekretari i Komisionit dhe jo nga kryetari.
Sipas deputetes së PD-së, sot është shkelur edhe Kuvendi.
Reagimi i plotë i Jorida Tabakut:
Sot Komisioni Ekonomisë ka miratuar dokumentin më të rëndësishëm të shtetit në shkelje të ligjit dhe rregullores së parlamentit. Sot mbledhja e komisionit është drejtuar nga sekretari i komisionit.
Dy janë dokumentet më të rëndësishëm të një qeverie, programi dhe buxheti i shtetit.
Kur buxheti i shtetit miratohet në shkelje te ligjit e te rregullores a ka më moral të qëndrojë një qeveri.
Këta që shkelin Kushtetutën, çdo ligj këto që e kanë bërë leckë çdo VKM sot kanë shkelur me të dy këmbët dhe vete parlamentin. A ka më vend për opozitën në këto institucione?
Ministri i Financave i pari dhe i dyti Kryeministri sot kanë shkelur parlamentin me të dy këmbët për një nga dy dokumentet më të rëndësishme të një qeverie!
