Kreu i Bashkisë së Tiranës Erion Veliaj duket se vazhdon me serinë e tij të propagandës, duke u munduar që të përçajë banorët e Astirit që kanë më shumë se 24 ditë që protestojnë kundër prishjes së shtëpive të tyre.
Ai ka organizuar sot një takim në ambientet e Bashkisë me disa qytetarë, të cilër pretendon se janë banorët e Astirit që po i hapin rrugë ndërtimit të rrugës.
Ndërkohë, banorë të zonës së Astirit dhe njëherësh protestues, kanë sqaruar se asnjë prej tyre nuk është sot i pranishëm në takimin me Veliajn.
Banorët sqarojnë se kreu i bashkisë ka anuluar një takim që kishte planifikuar në zonën e Shqiponjës, për shkak se kishte frikë se do të merrnin pjesë dhe protestues të Astirit.
