Në orët e para të mëngjesit të sotëm, Një tërmet i fuqishëm me magnitudë 6.3 të shkallës rihter tronditi Iranin.
Si pasojë e tërmetit janë shembur banesat dhe kanë mbetur të plagosur më shumë se 700 persona por nuk raportohet për dëme shumë të mëdhaja apo për persona të vdekur.
Epiqendra ishte në provincën e Kermanshah, ku vitin e kaluar më shumë se 600 vetë u vranë nga tërmeti më vdekjeprurës i ndodhur në Iran në dekadën e fundit.
“Ne kemi pasur 729 të plagosur, 700 prej tyre janë trajtuar dhe liruar … rreth 18 vetë janë shtruar në spital”, tha guvernatori provincial Houshang Bazvand për televizionin shtetëror.
Një zyrtar i Shoqatës së Gjysmëhënës së Kuqe të Iranit, Morteza Salimi, tha për AFP se shumica e viktimave të së dielës u shkaktuan nga një ikje e rrëmbyer e shkaktuar nga dridhjet e para.
Në vendngjarje ndodhen dhjetëra ekipe shpëtimi, si dhe ushtria kombëtare dhe rojet revolucionare të Iranit.
