Mbrëmjen e kaluar këngëtarja shqiptare Elvana Gjata dha shenjat e para të aktivitetit të saj në rrjetet sociale, vetëm dy muaj pas krimit të ndodhur në zonën e ish-Bllokut, ku u përfshi i dashuri i saj, Ervin Mata. Ylli i hitit “Lejla” filloi të ndiqte në Instagram deputetin e Partisë Socialiste, Jurgis Qyrbjan, dhe sigurisht ne të gjithë menduam se Elvana po i rikthehej aktivitetit të saj normal.
Por në të vërtetë nuk është ashtu, pasi sot këngëtarja ka marrë një vendim tepër drastik. Ajo e ka mbyllur profilin e saj në rrjetet sociale, dhe mesa duket dëshiron të qëndrojë ende në heshtje.
Mbrëmjen e 4 tetorit nga përleshja me armë zjarri në ish-bllok humbi jetën Fabjan Gaxha, ndërsa u plagosën pronari i basteve sportive Ervis Martinaj dhe miku i tij Eljo Hato. Në kërkim u shpallën Ervin Mata (i dashuri i Elvana Gjatës), komandoja Mervjol Bilo dhe Fabjol Alushi dhe Ajaks Boshnjaku, i cili u vetëdorëzua mbrëmjen e kaluar në polici.
Pak orë pas ngjarjes në prangat e policisë ra Geldo Hoti, mik me Ervin Matën i cili dyshohet se ka qëlluar me armë në momentin e ngjarjes.
