Një aksident tragjik ka ndodhur në Toritto, Itali, ku makina ka humbur kontrollin dhe është përmbysur. Si pasojë e aksident ka humbur jetën një shqiptar i cili ishte dhe shofer.
Ndërkohë një tjetër person në makinë ka arritur të shpëtojë dhe është dërguar menjëherë për të marrë ndihmën mjekësore.
Aksidenti fatal ka ndodhur të premten në orët e vona të natës, në autostradën 96, pranë Toritto.
Ende nuk dihet identiteti i shqiptarit I cili vdiq menjëherë.
Sipas mediave italiane, në makinë udhëtonin dy persona, ndërsa automjeti doli nga rruga dhe u përmbys. Shoferi i makinës ishte një shqiptar i cili ka vdekur menjëherë pas aksidentit si pasojë e plagëve të marra.
Sa i përket pasagjerit, ai u nxorr nga forcat zjarrfikëse dhe siç raportohet është jashtë rrezikut për jetën.
Policia italiane nisi hetimet për të zbardhur shkaqet e vëreta të aksidentit fatal që i mori jetën shqiptarit.
