Besa Kokëdhima është rikthyer në tregun muzikor shqiptar më fuqishëm se kurrë. Pak ditë më parë ajo ka publikuar këngën që mban titullin “Amor” dhe menjëherë ka marrë pëlqimin e publikut. Por me sa duket këngëtarja nuk do të mjaftohet me kaq. Në një intervistë të dhënë për “Top Awards” Besa është shprehur se është duke punuar edhe për një këngë tjetër, e cila do të publikohet në fillim të vitit 2019.
Përgjatë intervistës këngëtarja e njohur zbuloi se këtë periudhë nuk ka qenë e pranishme në tregun shqiptar, pasi ka punuar në Paris me disa projekte.
“Kam bërë disa ndryshime rrënjësore në jetën time, jam transferuar në Paris dhe kam nisur disa projekte atje. Ka qenë e nevojshme një kohë shkëputje e qetësie për të menaxhuar ndryshimet dhe angazhimet e reja”,- shprehet këngëtarja.
Ndërsa vetëm pak orë më parë publikoi foto të tjera, ku Besa shfaqet tejet në formë dhe vë vë në pah linjat atraktive. “Askush nuk na kursen por vetja jonë. Askush nuk mund. Ne vetë duhet të ecim në shteg”, shkruan ajo.
